كلمتين .. وقلتها لـك ألـف مـره....@

[أقرب الناس..@]

المفارق عنْـك لا يعنـي ضياعـي
.......... والمعيشه معـك لا تعنـي متاعـي

في كِلا الحاليـن مـا تفْـرق لأنّـي
.......... واعي ٍ لا رِحْت .. ولاّ جيت واعـي

أدري انِّي حيّ بِـك .. والاّ بدونـك
.......... وانت جزء من الحياه ولِك دواعـي

بس ما يعني وجـودك فـي حياتـي
.......... إمتثالي دوم لامْـرك.. وانصياعـي

لي طريقي.. وانت والله واختيـارك
.......... يا ابتعادك عن طريقي ..يا اتّباعـي

إقتنع في كـل مـا اسـوّي واقولـه
.......... عقبها شوف انطباعك .. كانطباعي؟

ولو تحسّ الإختـلاف بـردّ فعلـك
.......... لك طباعك يا عزيزي .. ولي طباعي

يعني لو إنت اندفاعي في شعـورك
.......... في شعوري ما ني مثلـك إندفاعـي

باقتناعي لا عشقت اعشـق وطبعـاً
.......... لا كرهت اكـره بكيفـي واقتناعـي

هذا أنا من يـوم مـا ربـي خلقنـي
.......... فطري باحساسي ولاَني باصطناعـي

عاطفـي جـدًا .. وكلّـي شاعريّـه
.......... وانطوائي كثير وشـويّ اجتماعـي

وانت بس ارجوك لا تزعـل وقـدّر
.......... مثل ما اراعي.. لزوم انّك تراعـي

يعني لو ما كنت احبك .. لا أهـزّك
.......... خلك أقوى من كلامي.. وامتناعـي

كلمتين .. وقلتها لـك ألـف مـره
.......... بس شكلك ضقْت من كثرة سماعـي

قلت: "لو أقدر أحبك كـان احبـك"
.......... البلى انّ الحب ماهـو بْمُستطاعـي

ليت والله تطلـب اللـي أستطيعـه
.......... لجل تبقـى دوم مسموعـاً مُطاعـي

فالسموحه كـل شـيّ الاّ شعـوري
.......... مو لأيّ انسـان شفّـي والِتياعـي

وانت أكيد انّك بتلقـى فـي حياتـك
.......... من ينسّيـك بوصالـه .. إنقطاعـي

والحيـاه بتستمـرّ وشـي طبيعـي
.......... لو تجي تسحب ذراعك من ذراعـي

ما أموت من المفارق وانت تـدري
.......... وش بقول انْ جيتني ناوي وداعـي

بختصار انْ غبْت يالطيّـب.. تأكّـد
.......... المفارق عنْك .. لا يعنـي ضياعـي

[وفاء القلوب]

كلمتين .. وقلتها لـك ألـف مـره
.......... بس شكلك ضقْت من كثرة سماعـي


اقرب الناس ..@ يبدو انه يلوح لشيء في نفسه من جهة احب اصحابه الذين يعيشون معه سواً من تجمعه بهم عشرة السنين او من يعرفهم باشهر قليلة ... ولكن هذه الابيات تاتي على ايقاع الجفا او بالاحراء الصراحة الجارحه ... فهنا يرسم ناقلها لنا رسماً بان الحب واسع الخيال وانه من الممكن ان تحب كل شخص بحب خاص له انت حبه انه خلوق انه شخص مهذب محترم .. وتحبه لروحه المرحه .. او تعشقه حباً وغرماً فذالك الحبيب الذي له القلب كله ..

تقبل خالص ودي

[صعبة المنال]

والحيـاه بتستمـرّ وشـي طبيعـي
.......... لو تجي تسحب ذراعك من ذراعـي

ما أموت من المفارق وانت تـدري
.......... وش بقول انْ جيتني ناوي وداعـي

[الكنق]

ما أموت من المفارق وانت تـدري
.......... وش بقول انْ جيتني ناوي وداعـي

بختصار انْ غبْت يالطيّـب.. تأكّـد
.......... المفارق عنْك .. لا يعنـي ضياعـي

[الكنق]

يعطيك العافيه اخوي اقرب الناس

وتقبل مروري