انا الحب
10-03-2008, 06:35 PM
برق برق المشيـــب ولا لقيـت الاّ اربـع ٍ تخـــتال
سوالف غربتي .. وطعون فقري .. همي .. احـزاني
يخلف الله يا عمر ٍ .. قضيـــتـه طـرقـي ونقــّال
تكــاثـر فيــني الدنيـا وطن .. من بين الأوطــاني
على ذا الحال .. ذي عاشــر سنـه قد لي على ذا الحال
ادوج خـطــوتي واقـول : عــلّ الهم ينســـاني
ولا ادري الاّ وهو في هجــعة الغــدراء يدقّ البــال
تقـل ويّـــاه عــــــذال ٍ تدلّــه ويــن عنــــواني
صبرت .. وقلت : كفارة ذنــوب إلين صـــبري طــال
وتـــهاوني عدوي .. واهمـــــلوني كـل خــــلاني
خطـــاي اني سنــين اسمع وصـايا العــاذل اللي قال :
تسلّى .. وش من الدنيا بتـآخــذ غير الآكفـــاني
وانا بحـــروة حـــلاها .. جرعتـــني المرّ باالفنـــجال
وانا ماسمـّــني غير اني .. المظــــلوم والجــاني
احد مثلي .. نشــب مابين قلبه والفـكر غــــربال
إليا اشـــتد الخــصام يــجيك كل ٍ ... يلعن الثاني
احد مثلي .. حــرق ثوبه واخذ ثوب القصيد سمال
وغــدت بي هقـــوتي واحلى قصـيدي مات بلساني
ذبحنــــي حظــي اللي ماقـدر مره ينــط ّ الجـــال
تردى لين ســـولف بـي لســان فـــلان وفــلاني
كذا ياالحزن ؟! .. ماكـنّا تخـــاوينا سنــين طـــوال
انا ويــاك في الدنيا : فضــــولي .. طاح .. بآنـاني
كذا ياالحزن ؟! .. ماكـناّ تعـــاهدنا وحـنّا اطــفال
نــوفي بعضــنا واللي يخـــــون العهــد خــــواني
تنثرني .. حزن فاجــر .. حزن كافر .. حزن قتـــال
حزن خلى شمـــــوخ اقصاي يلعن رحمـة الداني
وتعــــيرني بفـقري .. والفـقر ماعيـــب الرجــــال
انا وش ذنبي ان جـــار الزمن والوقــت عيـــانّي
معـــودني يصيرون اصدق الاصـــحاب لي عــــذال
وعلّمــــني اشـــوف اصــدق وفـا بوجيــــه عدواني
انا ياالحزن ما خـــذت المراجــــل غــترةٍ وعقـال
وانا عــون الخـــوي ومزبـــن ٍ للضــيف والعــــاني
انا من صغــر سنّــي عشـــت ... يانزال ... يارحــال
ابوي مربّي اخـــــواني .. وانا اللي الوقت ربـــاني
تقـــول امي : ( قبل تــولد توفى لي ثلاث عيال)
لابو حــظٍ تكــــاثـر فيــني اصبح .. رابع اخواني
الا يالله تعجــلّ بالفرج يا مفــرّج الأحـــوال
اخــــاف أمــوت وحـداني ... مثل ماعشــت وحــداني
على أيـّة حـال .. ياعاشر سنه مرت على أيـّة حـال
تكــــاثــر فيــني الدنيا ... وطن من بين الآوطاني
محمد الدحـــيمي
سوالف غربتي .. وطعون فقري .. همي .. احـزاني
يخلف الله يا عمر ٍ .. قضيـــتـه طـرقـي ونقــّال
تكــاثـر فيــني الدنيـا وطن .. من بين الأوطــاني
على ذا الحال .. ذي عاشــر سنـه قد لي على ذا الحال
ادوج خـطــوتي واقـول : عــلّ الهم ينســـاني
ولا ادري الاّ وهو في هجــعة الغــدراء يدقّ البــال
تقـل ويّـــاه عــــــذال ٍ تدلّــه ويــن عنــــواني
صبرت .. وقلت : كفارة ذنــوب إلين صـــبري طــال
وتـــهاوني عدوي .. واهمـــــلوني كـل خــــلاني
خطـــاي اني سنــين اسمع وصـايا العــاذل اللي قال :
تسلّى .. وش من الدنيا بتـآخــذ غير الآكفـــاني
وانا بحـــروة حـــلاها .. جرعتـــني المرّ باالفنـــجال
وانا ماسمـّــني غير اني .. المظــــلوم والجــاني
احد مثلي .. نشــب مابين قلبه والفـكر غــــربال
إليا اشـــتد الخــصام يــجيك كل ٍ ... يلعن الثاني
احد مثلي .. حــرق ثوبه واخذ ثوب القصيد سمال
وغــدت بي هقـــوتي واحلى قصـيدي مات بلساني
ذبحنــــي حظــي اللي ماقـدر مره ينــط ّ الجـــال
تردى لين ســـولف بـي لســان فـــلان وفــلاني
كذا ياالحزن ؟! .. ماكـنّا تخـــاوينا سنــين طـــوال
انا ويــاك في الدنيا : فضــــولي .. طاح .. بآنـاني
كذا ياالحزن ؟! .. ماكـناّ تعـــاهدنا وحـنّا اطــفال
نــوفي بعضــنا واللي يخـــــون العهــد خــــواني
تنثرني .. حزن فاجــر .. حزن كافر .. حزن قتـــال
حزن خلى شمـــــوخ اقصاي يلعن رحمـة الداني
وتعــــيرني بفـقري .. والفـقر ماعيـــب الرجــــال
انا وش ذنبي ان جـــار الزمن والوقــت عيـــانّي
معـــودني يصيرون اصدق الاصـــحاب لي عــــذال
وعلّمــــني اشـــوف اصــدق وفـا بوجيــــه عدواني
انا ياالحزن ما خـــذت المراجــــل غــترةٍ وعقـال
وانا عــون الخـــوي ومزبـــن ٍ للضــيف والعــــاني
انا من صغــر سنّــي عشـــت ... يانزال ... يارحــال
ابوي مربّي اخـــــواني .. وانا اللي الوقت ربـــاني
تقـــول امي : ( قبل تــولد توفى لي ثلاث عيال)
لابو حــظٍ تكــــاثـر فيــني اصبح .. رابع اخواني
الا يالله تعجــلّ بالفرج يا مفــرّج الأحـــوال
اخــــاف أمــوت وحـداني ... مثل ماعشــت وحــداني
على أيـّة حـال .. ياعاشر سنه مرت على أيـّة حـال
تكــــاثــر فيــني الدنيا ... وطن من بين الآوطاني
محمد الدحـــيمي